ஒக். 13 அமைச்சரவை முடிவுகளை அறிவிக்கும் மாநாட்டில் பங்கேற்ற ஊடகவியலாளர்களுக்கு

0

கடந்த 13 ஆம் திகதி செவ்வாய்க்கிழமை அரச தகவல் திணைக்களத்தில் நடைபெற்ற அமைச்சரவை முடிவுகளை வெளியிடும் ஊடகவியலாளர்கள் சந்திப்பில் கலந்துகொண்ட ஊடகவியலாளர்கள் அனைவரையும் சுயதனிமைப்படுத்தலில் இருக்குமாறு கோரப்பட்டுள்ளது.

அரச தகவல் திணைக்கள பணிப்பாளர் நாயகம் நாலக கலுவெவ, இன்று ஊடக அறிக்கை மூலம் இந்தக் கோரிக்கையை முன்வைத்துள்ளார்.

“கடந்த 13 ஆம் திகதி செவ்வாய்க்கிழமை காலை 9.30 க்கு அரச தகவல் திணைக்களத்தில் நடைபெற்ற அமைச்சரவை முடிவுகளை வெளியிடும் ஊடகவியலாளர் சந்திப்பில் கலந்துகொண்ட ஊடகவியலாளர் ஒருவர் கோவிட் – 19 நோய்த் தொற்றுக்கு உள்ளானதாக சந்தேகிக்கப்படுகின்றனது.

அது தொடர்பில் தொடர்ந்தும் பரிசோதனைகள் மேற்கொள்ளப்படுவதாக சுகாதாரப் பிரிவினால் அறிவிக்கப்பட்டுள்ளது.

இதன் காரணமாக, அந்த ஊடக சந்திப்பில் கலந்துகொண்ட அனைத்து ஊடகவியலாளர்களின் தகவல்கள் அரச தகவல் திணைக்களத்தினால் தற்பொழுது சம்பந்தப்பட்ட சுகாதார பிரிவினருக்கு அறிவிக்கப்பட்டுள்ளன.

இதற்கமைவாக, தேவையேற்பட்டால், சம்பந்தப்பட்ட சுகாதார ஆலோசனை மற்றும் வழிகாட்டல் சுகாதாரப் பிரிவினால் இந்த உடகவியலாளர்களுக்கு விரைவாக அறிவிக்கப்படும்.

இருப்பினும், வைரஸ் தொற்றுக்குள்ளானவர் என சந்தேகிக்கப்படும் ஊடகவியலாளர் தொடர்பில் தொடர்ந்தும் மேற்கொள்ளப்படும் சுகாதார பரிசோதனையின் பெறுபேறு கிடைக்கும் வரையில் ஊடகவியலாளர் சந்திப்பில் கலந்துகொண்ட அனைத்து ஊடகவியலாளர்களும் வெளி சமூக தொடர்புகளை தவித்துக்கொள்ளல் வேண்டும்.

பாதுகாப்பாக வீடுகளில் இருக்குமாறு ஆலோசனை வழங்கி சுகாதார அமைச்சின் தொற்றுநோய் விஞ்ஞானப்பிரிவு எமக்கு அறிவித்துள்ளது.

இது தொடர்பாக உங்களது நிறுவனத்தில் சம்பந்தப்பட்ட ஊடகயிலாளர்களுக்கு தெளிவுபடுத்துமாறு இதன் மூலம் தயவுடன் கேட்டுக்கொள்கின்றேன்.

இதற்கு நீங்கள் வழங்கும் ஒத்துழைப்பு மிகவும் வரவேற்கத்தக்கது” என்று அந்த அறிக்கையில் மேலும் தெரிவிக்கப்பட்டுள்ளது.