சிரியா எல்லையை ஒட்டிய துருக்கியின் தென்கிழக்கு பகுதியில் நேற்று ஏற்பட்ட 7.8 ரிக்டர் அளவிலான நிலநடுக்கத்தில் உயிரிழந்தவர்களின் எண்ணிக்கை 3 ஆயிரத்து 700ஆக அதிகரித்துள்ளது.
குறைந்தது 15 ஆயிரம் பேர் காயமடைந்துள்ளனர்.
உறைபனி மற்றும் பனிப்பொழிவு நிலைகளில் இடிபாடுகள் நிறைந்த மலைகள் வழியாக மீட்புப் பணியாளர்கள் உயிர் பிழைத்தவர்களைக் கண்டுபிடிக்கும் முயற்சியில் ஈடுபட்டுள்ளனர்.
சிறப்புக் குழுக்கள், மோப்ப நாய்கள் மற்றும் உபகரணங்கள் உள்ளிட்ட மீட்பு முயற்சிகளுக்கு உதவ உலகெங்கிலும் உள்ள நாடுகள் ஆதரவை அனுப்புகின்றன.
நேற்று உள்ளூர் நேரப்படி 04:17 மணியளவில் 7.8 ரிக்டர் அளவில் இந்த நிலநடுக்கம் காசியான்டெப் நகருக்கு அருகே 17.9 கிமீ ஆழத்தில் ஏற்பட்டதாக அமெரிக்க புவியியல் ஆய்வு மையம் தெரிவித்துள்ளது.
நிலநடுக்கவியலாளர்கள் கூறுகையில், முதல் நிலநடுக்கம் துருக்கியில் இதுவரை பதிவு செய்யப்படாத மிகப்பெரிய நிலநடுக்கங்களில் ஒன்றாகும். அதிர்வு நிற்க இரண்டு நிமிடங்கள் ஆனதாக உயிர் பிழைத்தவர்கள் தெரிவித்தனர்.
இரண்டாவது நிலநடுக்கம் – முதல் தூண்டுதலால் – 7.5 ரிக்டர் அளவில் இருந்தது. அதன் மையம் கஹ்ராமன்மாராஸ் மாகாணத்தின் எல்பிஸ்தான் மாவட்டத்தில் இருந்தது.
பல நில அதிர்வுகள் இன்னும் அப்பகுதி முழுவதும் உணரப்படுகின்றன.
துருக்கி மற்றும் சிரியாவில் இருந்து உயிரிழந்தவர்கள் மற்றும் காயமடைந்தவர்களின் எண்ணிக்கை நேற்று முழுவதும் வேகமாக அதிகரித்துள்ளது.
இடிபாடுகளில் சிக்கியவர்களை மீட்பவர்கள் கண்டுப்பிடிப்பதால், அந்த எண்ணிக்கை எட்டு மடங்கு அதிகமாகும் என உலக சுகாதார நிறுவனம் எச்சரித்துள்ளது.
துருக்கிய ஜனாதிபதி தயிப் எர்டோகன், நிலநடுக்கம் ஒரு வரலாற்று பேரழிவு என்றும் 1939 க்குப் பிறகு நாட்டைத் தாக்கிய மிக மோசமான நிலநடுக்கம் என்றும் கூறினார். ஆனால் அதிகாரிகள் தங்களால் முடிந்த அனைத்தையும் செய்கிறார்கள் என்றும் குறிப்பிட்டார்.
ஏற்கனவே 11 ஆண்டுகளுக்கும் மேலான உள்நாட்டுப் போரால் சிதைந்துள்ள சிரியாவில், 711 பேர் கொல்லப்பட்டதாக சுகாதார அமைச்சு தெரிவித்துள்ளது. சிரிய கிளர்ச்சியாளர்களின் கட்டுப்பாட்டில் உள்ள வடமேற்கு அவசரகால பணியாளர்கள் 733 பேர் உயிரிழந்ததாக தெரிவித்தனர்.
ஐக்கிய நாடுகள் சபையின் கூற்றுப்படி, 4.1 மில்லியன் மக்கள், அவர்களில் பலர் மோதலால் இடம்பெயர்ந்து முகாம்களில் வாழ்கின்றனர். ஏற்கனவே வடமேற்கு சிரியாவில் எல்லை தாண்டிய மனிதாபிமான உதவியை நம்பியுள்ளனர்.